У час прадгульнявой бонус-місіі вы можаце знайсці 5 бонусаў. Сэнс місіі – адшукаць месцы назвы якіх вы не сустрэнеце на сучасных мапах. Аднак гэтая праблема вырашаецца пры дапамозе “якаснай працы” з мясцовым насельніцтвам.

1) Вёску Сольная Баля вы знойдзеце па мапе вельмі хутка, Балю Касцельную(Царкоўную) – будзеце шукаць трохі даўжэй(зараз яна называецца Зарачанка). Аднак найбольш складана адшукаць былы маёнтак з назвай Сухая Баля. Ад яго засталіся толькі фундамент і дрэвы былога парку. Недалёка ад яго ёсць возера. Бонус на плаціне.
2) Ад фальварка Міхалова засталіся толькі кавалкі сцен і фундамент. Можна заўважыць рэшткі алеі, якая вяла да маёнтка. Бонус шукайце каля часткова захаваўшыхся сцен.
3) Уладальнік гэтага маёнтка даваў грошы на будаўніцтва касцёла, які зараз носіць назву “Перамяненьня Пана”(Праабражэнскі). Маёнтак быў вядомы сваім паркам і возерам. Шукайце слупок каля возера.
4) “Chrzczona Gora”(з польскага на беларускі -“Хрышчоная гара”) – на гэтым месце стаіць крыж з надпісам па-польску . Код побач з крыжом на трубе.
5) Вернемся у савецкі час: Адшукайце валун. На ім у свой час была назва калгаса – “ЗАВЕТЫ ЛЕНИНА”. Пасля распаду СССР калгас змяніў назву, змяніўся і надпіс. Аднак некалькі пазней калгас стаў часткай другога буйнейшага калгаса. Таму былая візітная картка зараз у заняпадзе.

P.S. Тэрыторыя пошуку - паўночны-захад ад Гродна.